Tre liderët opozitarë, kryetari i PDK-së Memli Krasniqi, kryetari i LDK-së Lumir Abdixhiku dhe kryetari i AAK-së Ramush Haradinaj kanë deklaruara pasurinë e tyre në Agjencinë për Parandalimin e Korrupsionit.
Kryetari i PDK-së Memli Krasniqi ka deklaruar pasuri të paluajtshme një banesë me vlerë 120 mijë, një shtëpi të përbashkët me bashkëshorten, e cila ka vlerën 180 mijë euro. Shtëpia, sipas deklarimit të Krasniqit, është blerë me kredi, kursime dhe kontribut familjar.
Pasuri të luajtshme e ka deklaruar një veturë të tipit Volkswagen që ka vlerë 22 mijë euro në pronësi të bashkëshortes.
Krasniqi posedon edhe numër të madh kriptovalutash. Ka Bitcoin që vlerën aktuale e ka 26 mijë euro, Ether me vlerë 1.650 euro, Binance Coin me 290 euro e të tjera kriptovaluta me vlerë.
Krasniqi i ka deklaruar se i ka në bankë si para të gatshme 3 mijë e 43 euro dhe 1 mijë e 57 euro e 79 centë në emër të bashkëshortes.
Të ardhurat vjetore të Krasniqi janë afro 19 mijë euro nga Kuvendi i Kosovës. Ndërsa bashkëshortja e tij ka afro 14 mijë euro të ardhura vjetore.
Kryetari i LDK-së Lumir Abdixhiku ka deklaruar një shtëpi me vlerë 200 mijë euro në emër të përbashkët me bashkëshorten. Ka edhe një shtëpi të trashëguar në emër të tij me vlerë 150 mijë euro, dhe po ashtu një tokë të trashëguar me vlerë 90 mijë euro.
Abdixhiku pasuri të paluajtshme ka deklaruar një veturë Alpina me vlerë 25 mijë euro në pronësi të bashkëshortes.
Kryetari i LDK-së ka deklaruar 10 mijë e 605 euro para të gatshme në bankë 17 dollarë. Ndërsa bashkëshortja e tij ka 2 mijë e 288 euro.
Abdixihiku ka thënë se merr të ardhura vjetore 18 mijë e 591 euro nga Kuvendi dhe 24 mijë euro nga kolegji “Riinvest” ku punon si ligjërues. Ka marrë edhe 3 mijë e 600 euro nga bursa “CERGE-EI”. Bashkëshortja e tij ka afro 13 mijë euro të ardhura vjetore.
Kryetrari i AAK-së Ramush Haradinaj ka deklaruar pasuri të paluajtshme një shtëpi me vlerë 330 mijë euro, një shtëpi tjetër me vlerë 270 mijë euro në emër të përbashkët me bashkëshorten, një tokë me vlerë 75 mijë euro, një truall me vlerë 27.300 euro, një shtëpi me vlerë 202 mijë euro, një shtëpi me vlerë 340 mijë euro dhe një vilë me vlerë 120 mijë në emër të përbashkët. Vetëm një nga këto pasuri, kryetari i AAK-së ka deklaruar se e ka blerë me kredi.
Raradinaj ka deklaruar një veturë BMW me vlerë 8 mijë euro në pronësi të bashkëshortes dhe një Cadillac me 19 mijë euro në pronësi të tij.
Kryetari i AAK-së 50 për qind të aksioneve në shoqërinë tregtare “HCC sh.p.k”, dhe 50 për qind të tjera në emër të përbashkët.
Si para të gatshme, Haradinaj i ka deklaruar 5 mijë e 790 euro që vijnë nga qiraja dhe paga dhe 2 mijë euro.
Haradinaj merr 18 mijë e 570 euro të ardhura vjetore, 2 mijë e 700 euro si invalid i luftës, 37 mijë e 288 euro nga qiraja e shtëpisë, 12 mijë euro i ka marrë huazim nga kompania “HCC sh.p.k”. Bashkëshortja e tij ka 48 mijë e 500 euro të ardhura vjetore.
