Dhoma e Ulët e parlamentit të Ukrainës ka miratuar një projektligj në të parën nga dy leximet e kërkuara që do të ndalonte organizatat fetare dhe kishat me lidhje të dyshuara me Rusinë ose në favor të pushtimit të saj në Ukrainë.

Kievi akuzon Kishën Ortodokse të Ukrainës (UOC) në mënyrë specifike për bashkëpunim me Rusinë pas pushtimit të vendit në vitin 2022.

Projektligji u mbështet nga 267 deputetë dhe u kundërshtua nga 15. Ai do të bëhet ligj nëse kalon një lexim të dytë dhe nënshkruhet nga presidenti ukrainas, Volodymyr Zelensky.

Deputetja ukrainase, Inna Sovsun e vlerësoi votimin si “jashtëzakonisht të rëndësishëm”, shkruan “Euronews”.

Udhëheqësit e UOC shpallën pavarësinë e kishës nga Moska majin e kaluar për shkak të pushtimit rus të Ukrainës.

UOC tha se ndalimi i propozuar shkel Konventën Evropiane për të Drejtat e Njeriut e cila garanton lirinë e fesë.

Rusia e ka përshkruar trajtimin e kishës nga Kievi si persekutim fetar.