Kandidatja për deputete e Lidhjes Demokratike të Kosovës (LDK), Doarsa Kica-Xhelili, ka shprehur shqetësim lidhur me menaxhimin e ‘reformave’ në sistemin e drejtësisë nga qeveria aktuale.
Kica-Xhelili tha në “Rubikon” se këto reforma, të cilat janë prezantuar si përpjekje për përmirësimin e sistemit të drejtësisë, në fakt, po shtrijnë kontrollin e ekzekutivit mbi këtë sektor të pavarur.
“Politika nuk duhet me ba reforma në drejtësi që shtrijnë kontrollin në drejtësi. Fatkeqësia më e madhe është se kjo qeveri drejtësinë e ka vëzhgu komplet në bazë të njëfarë parulle populliste në atë se çka i tingëllon mirë qytetarit, por çka absolutisht nuk i ndihmon sistemit të drejtësisë. Çka vërejmë si te draft-ligji për byronë, për vetting, si në atë të KPK-së, kemi fjali të cilat tregojnë se e synojn pikërisht shtrimin e kontrollit të ekzekutivit në drejtësi. Ne si LDK duam të shohim të ulim se çka i ndihmon sistemit. Vettingu është përdorur si parullë populliste”, tha ajo.
