Task Forca e Përbashkët e Aviacionit dhe e Zbatimit (JIC) amerikane e KFOR, ushtarë të caktuar në Komandën Rajonale në Lindje të misionit ë udhëhequr nga NATO kanë kryer një patrullë ajrore përgjatë kufirit në veri të Kosovës.

KFOR tha se JIC kryen rregullisht “patrulla sigurie dhe zbulimi nga toka dhe ajri për të siguruar përputhjen me udhëzimet e Marrëveshjes Teknike Ushtarake dhe Rezolutës 1244 të Kombeve të Bashkuara”.

KFOR-i përsëriti se vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme.

KFOR-i tha se punon në koordinim të ngushtë me Policinë e Kosovës dhe Misionin e Bashkimit Europian për Sundimin e Ligjit në Kosovë (EULEX) në rolet e tyre përkatëse si reagues të sigurisë.