KFF Mitrovica e fiton edhe Kupën e Kosovës

KFF Mitrovica ka shënuar fitore të thellë në ndeshjen finale të Kupës së Kosovës, duke triumfuar ndaj KFF Kosova (VR) me rezultatin bindës 7:1.

Ndeshja është zhvilluar në Kampin Nacional të Federatës së Futbollit të Kosovës (FFK) në Hajvali.

Futbollistet e KFF Mitrovica dominuan gjatë gjithë ndeshjes, duke treguar superioritetin e tyre dhe duke siguruar kështu kurorën e dyfishtë për këtë sezon. Me këtë fitore, Mitrovica e mbyll sezonin me dy trofe të rëndësishëm, duke fituar si kampionatin ashtu edhe Kupën e Kosovës.