Sinjali ka mësuar se dy personat që dyshohet se e kanosën zyrtarin korrektues (emër i njohur për redaksinë) janë Burim Strumcaku dhe Valon Morina.
Sipas informacioneve të para, dy të dyshuarit fillimisht i kanë bërë me shenja viktimës teksa ishte në lëvizje me veturë, e më pas e kanë ndjekur.
Përballë kësaj situate, zyrtari korrektues ka vendosur që ta raportojë rastin.
Pas arrestimit dhe shoqërimit në stacion, me vendim të prokurorit, të dyshuarit janë dërguar në mbajtje.
Lajmin e ka konfirmuar edhe Policia Rajonale në Prishtinë.
“Viktima mashkull kosovar, ka raportuar se dy të dyshuarit meshkuj kosovarë duke e kanosur e kanë ndjekur nga pas me veturën e tyre, ku viktima është ndier i kanosur. Të dyshuarit janë arrestuar dhe pas intervistimit me vendim të prokurorit, janë dërguar në mbajtje.”
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
