Është arrestuar pas 4 vitesh në kërkim, 39-vjeçari Spartak Çela, banues në fshatin Buzaishtë, Pogradec.
Gjykata e Shkallës së Parë Korçë i ka caktuar atij dy herë masën e sigurisë në mungesë “Arrest në burg,” për veprat penale “Vrasja me dashje e mbetur në tentativë,” “Vjedhje me armë,” “Prodhim, shitje dhe mbajtje pa leje e armëve, armëve shpërthyese dhe municioneve luftarake,” dhe “Kundërshtim i punonjësit të policisë.
Në 2020, për motive motive të dobëta ai ka qëlluar me armë zjarri shtetasin A. Sh. Ndërkohë në 25 prill 2024, pasi është konfliktuar me shtetasin V. I., 54 vjeç, banues në Tiranë, nën kërcënimin e një arme zjarri pistoletë, ka tentuar t’i marrë atij dy aparate celularë dhe një orë dore.
Materialet proceduriale i kaluan Prokurorisë pranë Gjykatës së Parë të Juridiksionit të Përgjithshëm Korçë./Top Channel/
