“Keni 30 minuta të largoheni”- Videoja historike e gjeneralit gjerman me trupat serbe në Prizren

Jakub Bielamowicz, njohës i çështjes së Ballkanit Perëndimor, ka rikthyer në vëmendje një video të trupave gjermane në Kosovë në kuadër të KFOR’it, në nder të Ditës së Çlirimit të Kosovës.

Në videon që ka shpërndarë analisti, dëgjohet një komandant gjerman që iu jep ultimatum 30 minuta forcave serbe për largim.

“Një çerek shekulli më parë, komandanti gjerman Helmut Harff u thotë trupave serbe në Prizren se kanë vetëm 30 minuta për t’u larguar nga Kosova. Pasi shkëmbejmë disa fjalë: Koha po mbaron. Ky është fundi i diskutimit. Tani ju kanë mbetur vetëm 28 minuta”, shkruan ai.

Sot shënohet përvjetori i Ditës së Çlirimit të Kosovës.