- Advertisement -
Këngëtarja japoneze Ayumi Hamasaki ka reaguar pas thashethemeve që qarkulluan në internet, sipas të cilave ajo mund të kishte një fëmijë me miliarderin Elon Musk.
46-vjeçarja, e cila ndodhet aktualisht në turne në Azi, ka mohuar lidhjen me spekulimet që nisën pas një deklarate të Ashley St Clair – influencuese konservatore dhe ish-partnere e Muskut – e cila në një raport të New York Timesit pretendoi se Elon kishte një fëmijë me një yll të muzikës pop japoneze.
St Clair, nëna e fëmijës së 14-të të CEO-s së Teslas, tha se Musk e shihte dhurimin e spermës si një akt altruist dhe se kishte shprehur shqetësim për rënien e normave të lindjeve në botë.
Emri i Hamasakit u përfol gjerësisht në rrjet, por artistja i ka quajtur këto zëra të pabaza.
