Gazetari Adriatik Kelmendi, përmes një postimi në Facebook, ka kërkuar që rasti i asamblistit të VV-së që u arrestua për trafikim droge në Shqipëri të hetohet seriozisht.
Kelmendi ka thënë se rasti është shumë i rëndë dhe duhet të hetohet për krim të organizuar.
Ai ka përmendur edhe çështjen që Mujeci ditë më parë ishte vendosur si aksionar në Stacionin e Autobusëve në Prishtinë.
Postimi i Kelmendit:
Ky rast i rëndë duhet të hetohet si dyshim për krim të organizuar shumë seriozisht.
Një asamblist i Komunës së Prishtinës është arrestuar në Shqipëri me më se 10 mijë doza narkotikësh me vlerë rreth gjysmë milioni eurosh. Droga qenka transportuar me autobusë. I njëjti qenka propozuar kohë më parë të caktohet si aksionar në Stacionin e Autobusëve në Prishtinë!!!
Skemë e krimit të organizuar me përmasa ndërkombëtare! Ku po jetojmë!
