- Advertisement -
Kompania Kosovare për Distribuim me Energji elektrike (KEDS) ka bërë thirrje që të kursehet rryma.
KEDS ka publikuar një fotografi në rrjetin social Facebook, ku shihen objektet me drita të ndalura në zyrat e kësaj kompanie.
“Ky është një shembull se si duhet të duken të gjitha objektet në të cilat nuk punohet gjatë natës. Çdo dritë e fikur luan rol të madh, çdo kilovat i kursyer mundëson që të gjithë ne të kemi më shumë energji elektrike – atëherë kur na nevojitet më së shumti”, thuhet krahas fotografisë.
Nga KEDS-i kanë kërkuar që shembullin e tyre ta ndjekin edhe të tjerët.
“Kërkojmë që edhe të tjerët ta ndjekin këtë shembull”, kanë thënë nga KEDS.
