Sipas The Sun, çifti është në kontakt të vazhdueshëm dhe komunikon çdo ditë përmes FaceTime dhe mesazheve, pavarësisht agjendave të ngjeshura.
Lidhja e tyre u bë publike pas publikimit të disa fotografive ekskluzive ku Perry dhe Trudeau shihen duke u puthur në jahtin e këngëtares në brigjet e Santa Barbarës, shkruan DailyMail.
Burime të afërta me çiftin zbulojnë se romanca ka nisur në fillim të verës dhe se ata janë përpjekur ta mbajnë lidhjen e fshehtë deri tani.
“Ata nuk kanë kaluar shumë kohë bashkë për shkak të turneut të Katy-t, por flasin çdo ditë.
Justin është i mahnitur nga ajo, ndërsa ajo ndihet e vlerësuar nga një burrë i tillë me ndikim dhe karizëm”, tha një burim për median britanike.
Perry, e cila së fundmi u nda nga aktori Orlando Bloom pas gati një dekade bashkë, duket se ka gjetur përsëri dashurinë.
Nga ana tjetër, Trudeau është beqar që nga viti 2023, pas ndarjes nga bashkëshortja e tij Sophie Grégoire pas 18 vitesh martesë.
Ndërkohë, këngëtarja 40-vjeçare ndodhet në Evropë për pjesën e dytë të turneut të saj botëror “Lifetimes”, ndërsa fansat mezi presin të shohin nëse Justin Trudeau do t’i bashkohet asaj në ndonjë nga koncertet e ardhshme.
