Paraqitjet e Kate Middleton gjatë festimeve të Jubileut Platinum të Mbretëreshës përmbushën pritshmëritë e botës së modës. Vathët vintage me safirë dhe diamante nga arkivi mbresëlënës i Princeshës Diana, fustani dhe xhaketa e bardhë Alexander McQueen dhe fustani i verdhë i butë i Emilia Wickstead ishin vetëm disa nga elementët që ranë në sy.
E ndërsa besuam se periudha kur studionim kombinimet e Dukeshës së Kembrixhit nga festimet e Jubileut të Platinit po i vinte fundi, zbuluam një tjetër paraqitje që hyri direkt në listën tonë të të preferuarave. Të dielën, ditën kur rrugët e Londrës ishin të mbushura me njerëz, pamë teksa shijonte një kafe me vendasit me një fustan blu dhe pika të bardha. Dizajni me belin e theksuar dhe fundin me plisa në linjë A nga stilistja e saj e preferuar, Alessandra Rich , është propozimi ideal për ekskursionet e shkurtra të fundjavës apo darkat e mbrëmjes së festave.
