“Kasapi i Bosnjës” padit qeverinë britanike për “trajtim çnjerëzor” në burg pasi s’e kanë lënë të përdor laptop

Nuk i kanë lënë laptop në qeli andaj edhe ka paditur qeverinë britanike duke kërkuar dëmshpërblim prej 50 mijë funtash, ish-presidenti i Republika Srpska-s, Radovan Karagjiq, i dënuar me burgim të përjetshëm me akuzat më të rënda për krime lufte dhe gjenocid ndaj popullatës civile boshnjake.

“Kasapi i Bosnjes” pretendon madje se i është mohuar edhe të folur në gjuhën amtare serbe, kështu duke kërkuar dëmshpërblim prej 50 mijë funtash për “shkelje të të drejtave të njeriut”, raportoi media britanike “The Daily Mail”.

Kjo vjen pasi vajza e tij Sonja Karadzic-Jovicevic pretendoi në vitin 2021 se ai po mbahej në kushte ‘të pashëndetshme’ dhe ‘të pacivilizuara’ pasi u transferua në Ishullin Wight.