Kryeministrja e Estonisë, Kaja Kallas tha se është e nderuar me nominimin si kandidate për Përfaqësuesin e Lartë të Bashkimit Evropian për Çështjet e Jashtme dhe Politikën e Sigurisë.
Përmes një shkrimi në rrjetin social X tha se është e mahnitur për besimin që i është dhënë asaj.
“Me nderin më të madh pranoj nominimin si kandidat për Përfaqësuesin e Lartë të Bashkimit Evropian për Çështjet e Jashtme dhe Politikën e Sigurisë. Jam e mahnitur për besimin që më është dhënë dhe jam e përkushtuar për të avancuar rolin e Evropës si një partner global i fortë dhe efektiv”.
Ajo tha se do të punojë për një Evropë stabile dhe të sigurtë.
“Së bashku, do të punojmë për të siguruar që Evropa të mbetet stabile, e siguritë dhe me prosperitetit në një botë gjithnjë e më komplekse. Qëllimi ynë i përbashkët është mbrojtja e lirive dhe sigurisë të të gjithë qytetarëve evropianë ndërsa promovojmë paqen dhe bashkëpunimin në skenën globale.
Jam i kënaqur të punoj ngushtë me shtetet anëtare, institucionet dhe partnerët ndërkombëtarë për të luftuar sfidat që përballon kontinenti ynë dhe përtej tij. Duke bashkuar përpjekjet tona, mund të përforcuar zërin dhe ndikimin e Evropës, të mbajmë lart vlerat tona dhe të formojmë një të ardhme më të mirë për brezat që vijnë”.
“Faleminderit për mbështetjen dhe besimin tuaj. Le të vazhdojmë së bashku udhëtimin tonë drejt një Evrope më të sigurt, më të lirë dhe më të pasur”, shkroi në fund Kallas.
