Përfaqësuesja e Lartë e BE-së për Politikë të Jashtme e Siguri, Kaja Kallas, ka folur me Sekretarin amerikan të Shtetit Marco Rubio pas bisedave që pala amerikane ka zhvilliuar me rusët në Arabinë Saudite. Kryediplomatja evropiane ka shkruar se se Rusia po përpiqet t’i përçajë BE dhe SHBA, andaj ka bërë thirrje që “të mos bien në këtë grackë”.
Këtë koment Kallas e ka bërë në profilin e saj në rrjetin “X”, duke theksuar se BE bashkë me SHBA-në “mund të arrijë një paqe të drejtë dhe të qëndrueshme – sipas kushteve të Ukrainës”.
“Bashkë me ministrat e jashtëm evropianë, fola me sekretarin Rubio pas bisedimeve të tij në Riad. Rusia do të përpiqet të na përçajë. Të mos biem në kurthet e tyre. Duke punuar së bashku me SHBA-në, ne mund të arrijmë një paqe të drejtë dhe të qëndrueshme – sipas kushteve të Ukrainës”, shkruan ajo.
Sekretari amerikan i Shtetit, Marco Rubio, ka udhëhequr sot delegacionin e SHBA-së Riad që ka biseduar me palën ruse për raportet mes dy vendeve dhe luftën në Ukrainë.
