Kajtazi: S’ka bazë ligjore për organizimin e votimit në komunat në veri përmes peticionit

Opinionisti Vehbi Kajtazi thotë se nuk ka bazë ligjore për organizimin e votimit në komunat në veri përmes peticionit.

“S’ka bazë ligjore për organizimin e votimit, është e kundërligjshme, ligji për vetëqeverisje lokale e parasheh mbajtjen e peticionit. Ndërkohë KQZ-ja ka nxjerrë një udhëzim administrativ dhe aty parasheh pikat, i referohet ligjit për zgjedhjet lokale dhe të përgjithshme, as ligji për KQZ-në as ligjet tjera nuk e aktivizojnë KQZ-në për të organizuar votimin”.

Ai tutje në emisionin Rubikon tha se ka një përpjekje për të organizuar një proces të paligjshëm, me shpresë që edhe partitë opozitare heshtin dhe kështu kalon kjo.