Kandidati për deputet nga radhët e Partisë Demokratike të Kosovës, Përparim Gruda, e ka komentuar vendimin e KQZ-së për moscertifikimin e Listës Serbe, për zgjedhjet e 9 shkurtit, 2025.
Ai ka thënë se kjo ka qenë më shumë për të krijuar një momentum elektoral.
Tutje, Gruda ka folur edhe për vendimin e PZAP-së, që aprovoi ankesën e Listës Serbe në lidhje me moscertifikimin në KQZ-së.
“Mendoj që ka qenë një përpjekje për me e ndërtu një momentum elektoral ndoshta për dikë këtu. Unë nuk e di komplet dosjen e Listës Serbe për certifikim, por PZAP-ja konstatoj që ata kanë pasur të drejtën e certifikimit, kështu që mendoj që KQZ-ja duhet të lihet që ta bëjë punën e vet, është një organ administrativ që punon strikt sipas rregullave dhe procedurave që i cakton ligji për zgjedhjet e përgjithshme”, ka thënë Gruda në emisionin “Adresa”. /Kanal10/
