Juventusi ka shënuar një fitore të rëndësishme 2-0 ndaj Genoas në kuadër të xhiros së 31-të në Serie A, duke vazhduar garën e fortë për një vend në Champions League sezonin e ardhshëm.
“Zonja e Vjetër” e zgjidhi ndeshjen që në pjesën e parë, ku realizuan Bremer dhe Weston McKennie, duke i dhënë epërsi të sigurt ekipit bardhezi.
Genoa pati një mundësi të artë për t’u rikthyer në lojë rreth 15 minuta para fundit, por penalltia e Martin u ndal nga portieri Michele Di Gregorio, i cili ishte vendimtar në ruajtjen e rezultatit.
Me këtë fitore, Juventusi i afrohet në vetëm një pikë Comos në garën për vendin e katërt, që siguron pjesëmarrjen në Champions League.
Në xhiron e ardhshme, Juventusi do të përballet me një sfidë shumë të vështirë në udhëtim ndaj Atalantës, që gjithashtu synon një vend në top 4, ndërsa Genoa do të presë Sassuolon.
