Hailey Bieber ka shprehur pakënaqësinë e saj pas publikimit të listës së Billboard për yjet më të mëdhenj të popit të shekullit të 21, ku Justin Bieber u rendit në vendin e tetë. Kjo renditje la pas emra të njohur si Kanye West, Britney Spears, Lady Gaga, Drake dhe Rihanna. Dy vendet e para mbeten ende të paqarta, por fansat besojnë se Beyoncé dhe Taylor Swift mund të jenë ato që do të zënë vendet më të larta.
Megjithatë, renditja e Justin është konsideruar e mirë, por Hailey nuk ishte aspak e kënaqur. Ajo komentoi në Instagram-in e Billboard dhe shkroi: “Billboard është një shaka, si gjithmonë,” dhe i shtoi një emoji puthjeje. Komenti i saj u shpërnda shumë shpejt në rrjetet sociale.
Justin Bieber arriti të kishte sukses që në moshë të re pas nënshkrimit me menaxherin Scooter Braun në moshën 13 vjeçare. Pas publikimit të disa këngëve, ai bëri debutimin e tij të madh me hitin “Baby” në vitin 2009. Gjatë karrierës së tij, Bieber ka arritur 8 këngë numër 1 në Billboard Hot 100 dhe ka pasur 26 këngë në Top 10. Hiti i tij më i fundit, “Stay” me The Kid LAROI, qëndroi për 63 javë në tabelën e Billboard.
Duke folur për projektet e tij të ardhshme, një bashkëpunëtor i Justin tha se ai është gjithmonë në kërkim të diçkaje të re dhe të guximshme për të bërë në muzikë. Pas lindjes së djalit të tij, Jack Blues Bieber, me Hailey, Justin ka qenë më privat.
