Justin Bieber u përball me reagime të ndryshme nga fansat në rrjetet sociale, pas martesës së ish-të dashurës së tij, Selena Gomez, me producentin Benny Blanco gjatë fundjavës.
Këngëtari 31-vjeçar, i martuar me Haileyn dhe baba i djalit Jack, ndau disa postime nga ndeshja e tij e basketbollit në Los Angeles, por shumë fansa përdorën seksionin e komenteve për të tallur Bieber-in, duke iu referuar martesës së Selenës.
Selena Gomez, 33 vjeçe, dhe Benny Blanco, 37 vjeç, u martuan në një ceremoni private në Santa Barbara, e rrethuar nga miq të famshëm, përfshirë Taylor Swift dhe Steve Martin, shkruan DailyMail.
Në fotografitë e publikuara, Gomez shfaqej e veshur me fustan të bardhë Ralph Lauren, ndërsa Blanco kishte zgjedhur një kostum klasik të zi. Çifti dukej i lumtur teksa shëtisnin dorë për dore në pronën private prej 70 akrash.
Postimet e Bieber-it u ndoqën nga tallje dhe komentet e fansave që përmendnin ish-romancën e tij me Selenën, disa duke e konsideruar situatën qesharake, ndërsa të tjerë dolën në mbrojtje të tij, duke theksuar se të gjithë kanë të drejtë të ndajnë postimet e tyre personale në Instagram.
Kjo ngjarje vjen pas një periudhe të trazuar për çiftin e ish-të dashurve, të cilët kishin pasur një romancë me ndërprerje midis 2010 dhe 2018, para se Selena të martohej me Benny Blanco dhe Justin me Hailey, me të cilën ka një fëmijë. /Telegrafi/
