Julia Roberts ka treguar gjëra të padëgjuara më parë në intervistën e fundit dhënë për gazetarin, Andy Cohen.
Aktorja kishte ardhur në një seri të programit ‘Watch What Happens Live’ në SHBA, i prezantuar nga Cohen, ku iu bënë një seri pyetjesh në rubrikën provokuese ‘Plead the Filth’ (Kërko të drjetën e amendamentit të pestë/ për të mos thënë gjëra inkriminuese për veten).
Fillimisht prezantuesi pyeti Roberts cilët ishin filmat e saj më të mirë: ‘Notting Hill’, ‘My Best Friend’s Wedding’ dhe ‘Pretty Woman’.
56-vjeçarja u pyet gjithashtu për filmin apo aktorin më të papreferuar të ‘Real Housewives’, të cilës ajo iu përgjigj Jen Shah (e cila është aktualisht duke kryer 6.5 vjet burg për mashtrim financiar).
Më pas Cohen pyeti aktoren e Hollywood se cila ishte “droga më e fortë që kishte provuar”.
Shumë do të kishin refuzuar të përgjigjeshin ndaj kësaj pyetjeje, por Roberts nuk e bëri:
“Kërpudhat”, tha ajo, duke iu referuar kërpudhave haluçinogjene që njihen për tjetërsim të ndërgjegjies dhe zgjim apo halucinacione të forta.
Aktorja tha: “Po, ishte e mirë, nuk gënjej dot.”
Prezantuesi nisi shpejt paralajmërimet:
“Fëmijë nëse shihni këto nuk janë gjëra për t’i bërë në shtëpi”.
