Një nga kundërshtarët e Vuçiqit në Serbi, Çedomir Jovanoviq ka folur rreth situatës së fundit të krijuar pas sulmit terrorist në Banjskë.

Se është sulm terrorist, e tha edhe vetë ai, ndërsa ftoi Serbinë që të këndellet.

Veç kësaj, ai përmendi edhe kryeministrin Kurti, duke shtuar se nuk është kriminel.

“Albin Kurti nuk është kriminel. Ai është lider i shqiptarëve. Serbia të këndellet. Nuk po e mbroj Kurtin. Thjesht po them që ajo që ndodhi në Banjskë ishte sulm terrorist“, shtoi ndër tjerash mbrëmë Jovanoviq në emisionin “Novo Jutro”.