Vetëm Champions League, asgjë më pak. Kjo është motoja e Cristiano Ronaldo për këtë merkato.
Pesë herë fituesi i Topit të Artë, Cristiano Ronaldo po insiston për një largim nga skuadra e Manchester United.
Portugezi dështoi që me skuadrën e tij të kualifikohej në Champions League dhe tani është i pakënaqur. Ai ka kërkuar t’i shkëputet kontrata në mënyrë që t’i bashkohet dikujt që garon në CL.
Sipas raportimeve nga ’AS’, agjenti i CR7, Jorge Mendes e ka ofruar klientin e tij te skuadra e Napoli.
United mud të jenë të gatshëm ta lëshojnë lojtarin në huazim, por problemi qëndron me pagën e lojtarit, që do t’i kushtonte 8 milionë euro për sezon.
Mbetet të shihet nëse Napoli do ta marrë rrezikun për të nënshkruar me një prej lojtarëve më të mirë që ka parë futbolli.
