Johnny Depp ka vendosur të surprizojë të gjithë dashamirës që e kanë mbështetur.
Ai do të sjellë një album dhe lajmëron se do të jetë bashkëpunim me kitaristin e njohur Jeff Beck. Depp njoftoi se album i ri do të publikohet në 15 korrik.
Njoftimin e bëri të ditur një javë pas fitores së gjyqit të famshëm dhe çështjes për shpifje ndaj ish-bashkëshortes së tij, Amber Heard.
“Është një nder i jashtëzakonshëm të luaj muzikë dhe të shkruaj këngë me muzikantin Jeff Beck, të cilin e quaj vëlla”, është shprehur Depp.
Albumi i Depp në bashkëpunim me Beck titullohet “18” dhe do të ketë 13 këngë. Kënga e tyre e parë quhet “This Is A Song For Miss Hedy Lamarr”.
“Kur Johnny dhe unë filluam të luajmë muzikë për herë të parë u krijua një energji shumë pozitive. U ngjall krijimtaria dhe fryma rinore. Unë nuk kam pasur një bashkëpunëtor kaq kreativ prej kohësh”, tha Jeff Beck.
