John Cena dhe gruaja e tij, Shay Shariatzadeh, u martuan për herë të dytë në Vancouver të premten.
45-vjeçari dhe 33-vjeçarja fillimisht u martuan më 12 tetor të vitit 2020 në zyrën e një avokati në Tampa, Florida.
Pasi pandemia i vonoi planet e tyre, ata më në fund ishin në gjendje të ecnin me njëri-tjetrin përpara të pranishmëve.
Dyshja u martuan në The Vancouver Club në Kanada me familjen dhe miqtë, raportoi TMZ.
Përveç që Kanadaja është vendi ku Shay u rrit, është edhe vendi ku u takuan nusja dhe dhëndri.
Të njëjtit filluan lidhjen në mars të vitit 2019, ku ylli i WWE-së ishte në xhirime të “Playing With Fire”.
Në fillim të këtij viti, ylli i “Suicide Squad” kishte folur me Drew Barrymore nëse dëshironte të kishte fëmijë.
“Është punë e vështirë. Është punë e vështirë për të balancuar kohën, më duhet të drejtoj veten si duhet. Është punë e vështirë të jem partneri dhe burri më i mirë për gruan time të dashur”, tha Cena.
“Është e vështirë të mbaj lidhje me ata që dua. Dhe është gjithashtu e vështirë të bësh një punë të ndershme”.
