Jessie J ka anuluar turneun e saj të ardhshëm në ShBA dhe ka riplanifikuar datat e saj në Britani dhe Evropë, pasi do t’i nënshtrohet përsëri një ndërhyrjeje kirurgjikale.
Këngëtarja, emri i vërtetë i së cilës është Jessica Cornish, ndau diagnozën e saj të kancerit në gazë të hershme në prill të ktij viti dhe iu nënshtrua një mastektmie për të hequr sëmundjen, e ndjekur nga një operim për rindërtimin e gjirit.
“Fatkeqësisht duhet të bëjë një operim të dytë, jo shumë serioz, por duhet të bëhet deri në fund të këtij viti”, tha artistja 37-vjeçare përmes një deklarate, transmeton Klankosova.tv.
“Kjo bie në mes të turneut që kisha planifikuar. Më vjen shumë keq, ndihem e trishtuar, por duhet të bëhem mirë, duhet të shërohem”.
Datat e saj në Angli dhe Evropë, të planifikuara për tetor të këtij viti, tani do të mbahen në prill të vitit të ardhshëm. Ndërkaq datat në ShBA të planifikuara për në nëntor të këtij viti, janë anuluar.
“Po përpiqem të bëj më të mirën time. Po përpiqem të ndaj të gjitha gjërat e ndryshme që po ndodhin në jetën time dhe ku duhet të japë energji. Por duhet të shërohem”.
