Aktorja Jessica Alba dhe producenti Cash Warren kanë finalizuar zyrtarisht divorcin e tyre, dy vjet pasi njoftuan ndarjen.
Sipas dokumenteve të gjykatës të paraqitura të premten, ish-partnerët kanë arritur një marrëveshje për ndarjen e pronës dhe kujdestarinë e tre fëmijëve të tyre.
Dokumentet thonë se Alba dhe Warren kanë hequr dorë nga e drejta e tyre për aliment të ndërsjellë.
Jessica dhe Cash
Megjithatë, Warren do të marrë tre milionë dollarë nga Alba për të barazuar ndarjen e pasurive.
Aktorja do ta paguajë këtë shumë në dy këste prej 1.5 milionë dollarësh secila – e para menjëherë dhe e dyta brenda një viti.
Çifti, i cili ka tre fëmijë – vajzat Honor Marie dhe Haven Garner si dhe djalin Hayes Alba – i dhanë fund lidhjes së tyre në vitin 2024.
Në janar të vitit të kaluar, Alba paraqiti kërkesë për divorc pas 16 vitesh martesë dhe gjithsej 20 vitesh bashkëjetesë.
Jessica Alba dhe Cash Warren u takuan në vitin 2004 në xhirimet e filmit “Fantastic Four”.
Historia e tyre e dashurisë filloi menjëherë pasi u takuan dhe u martuan në vitin 2008 në një ceremoni intime në Los Angeles.
