Kur më ofruan mundësinë të udhëtoja drejt hotelit luksoz Regnum The Crown në Turqi për të “jetuar jetën e Jennifer Lopez për një javë”, si mund ta refuzoja?
Nga një suitë gjigante me pamje nga deti, restorante të shumta të gastronomisë së lartë, një park ujor, transferta VIP me helikopter dhe pa harruar shërbimin personal të kamarierit, e dija se ky do të ishte një udhëtim i paharrueshëm me përjetimin e vërtetë të stilit të Hollivudit.
Në momentin që mbërrita në suiten luksoze me çmim 3 mijë funta nata, ishte e qartë se asgjë nuk ishte kursyer. Më pritën me të njëjtin trajtim A-list si Jennifer Lopez gjatë qëndrimit të saj para ditëlindjes: shampanjë dhe luleshtrydhe të mbuluara me çokollatë. Këngëtarja e hitit On the Floor kishte festuar ditëlindjen e saj të 56-të në këtë resort luksoz, ndërkohë që shijonte disa ditë pushimi gjatë turit të saj të shitur plotësisht Up All Night Live.
Ky ishte qëndrimi i dytë i Jennifer-it në hotelin Regnum The Crown, i vendosur në qytetin bregdetar të Antalias. Më herët ajo kishte qenë aty e shoqëruar nga fëmijët e saj binjakë, Max dhe Emme, tashmë 17 vjeç, të cilët i ka me muzikantin fitues të Grammy-t, Marc Anthony.
Stafi i hotelit tregoi se ylli i hitit Jenny from the Block e kishte shfrytëzuar plotësisht çdo mundësi të resortit – nga relaksimi në xhakuzi dhe lojërat në parkun ujor me binjakët, te darkat në restorantet luksoze të tij.
