Padia e re akuzon Jay Z dhe ekipin e tij ligjor për veprime mashtruese gjatë përpjekjeve të mëparshme për të detyruar Satterthwaite të bëjë një test atësie.
Sipas dokumenteve ligjore, paditësit pretendojnë se ekipi ligjor i Jay Z ka shkelur të drejtat e tyre, duke përfshirë mbajtjen e të dhënave të mbyllura dhe pengimin e proceseve gjyqësore. Ata gjithashtu akuzojnë se sistemi gjyqësor ka ndërhyrë për të bllokuar aksesin në informacionin e rëndësishëm dhe për të penguar apelimet e tyre.
Wanda, e cila vdiq në vitin 2019, kishte pohuar se kishte pasur një lidhje intime me Jay Z në vitin 1992, kur ajo ishte 16 vjeç dhe ai 22 vjeç. Në vitin 2010, Wanda kishte kërkuar që një gjykatë të detyronte Jay Z dhe ish-partnerin e saj të bëjnë një test atësie për të përcaktuar babain e djalit të saj, i cili lindi në vitin 1993. Megjithatë, çështja u mbyll pasi Satterthwaite arriti moshën madhore dhe ligji i shtetit të Pensilvanisë kërkonte që atësia të përcaktohej para se fëmija të bëhej 18 vjeç.
Ky është vetëm një nga rastet ligjore me të cilat Jay Z po përballet aktualisht. Ai gjithashtu është i përfshirë në një betejë ligjore tjetër, ku akuzohet për përdhunim nga një vajze 13-vjeçare në vitin 2000, së bashku me Sean “Diddy” Combs. Jay Z ka mohuar akuzat, duke i quajtur ato “të neveritshme” dhe një “përpjekje për shantazh”.
