Izraeli ka ende “shënjestra për të goditur” në Iran dhe është i përgatitur të vazhdojë sulmet ndaj këtij vendi “për aq kohë sa do të jetë e nevojshme,” deklaroi të dielën shefi i shtabit të ushtrisë izraelite.
“Ne kemi ende objektiva për të goditur dhe qëllime për të përmbushur,” tha Eyal Zamir gjatë një vlerësimi të situatës, sipas një deklarate të lëshuar nga Forcat Mbrojtëse të Izraelit (IDF). “Ne po rrisim ritmin e sulmeve tona në përputhje me planin operacional, dhe jemi të gatshëm të vazhdojmë për aq kohë sa do të nevojitet.”
Zamir lavdëroi sulmet e ShBA-së ndaj objekteve bërthamore iraniane mëngjesin e së dielës, duke thënë se ato “u bënë të mundura falë udhëheqjes së guximshme të partnerëve tanë amerikanë.”
Ai tha se këto sulme përbëjnë një “pikë kthese” në fushatën “Luani që ngrihet” të Izraelit, e nisur javën e kaluar
