Xhevahire Izmaku, anëtare e Kryesisë së NISMA Socialdemokrate, vizitoi Degën e NISMA Socialdemokrate në Malishevë.
Ajo u mirëprit me shumë ngrohtësi nga gratë e NISMA Socialdemokrate dhe anëtarë të Kryesisë së Nismës në Malishevë.
Gjatë këtij takimi të rëndësishëm, u diskutuan çështje të ndryshme të rëndësishme për rolin e gruas në politikë.
“Jam shumë e nderuar që gjindem mes jush dhe ju përgëzoj për këtë organizim ku po shoh vlerë mes jush!”, ka thënë ajo.
Në këtë takim të veçantë ishte i pranishëm edhe Kryetari i Partisë së NISMA Socialdemokrate, Fatmir Limaj, i cili mbajti një fjalim frymëzues për të pranishmet dhe theksoi rëndësinë e udhëheqjes së institucioneve nga gratë!
Ekrem Kastrati anëtar i Kryesisë tha se roli i gruas në politikë është thelbësor për të arritur ndryshime pozitive dhe për të përfaqësuar më mirë interesat e të gjitha shtresave të shoqërisë. Ai nënvizoi se gratë duhet të jenë aktive dhe të përfshira në vendimmarrje për të ndërtuar një shoqëri më të drejtë dhe më të barabartë.
Arbëresha Krasniqi në fjalëm e saj theksoi kontributin e grave në zhvillimin e komunitetit dhe rëndësinë e fuqizimit të tyre në sferën politike dhe shoqërore. Krasniqi nënvizoi se për të arritur një shoqëri të drejtë dhe të barabartë, është thelbësore që gratë të kenë mundësi të barabarta dhe të jenë të përfaqësuara në të gjitha nivelet e vendimmarrjes.
Për më tepër, u diskutua për rëndësinë e politikanëve femra në hartimin e politikave që pasqyrojnë nevojat dhe aspiratat e grave, duke përmirësuar kështu cilësinë e jetës për të gjithë qytetarët. Politikat që mbështesin barazinë gjinore dhe përfshirjen e grave në procese vendimmarrëse janë të domosdoshme për përparimin shoqëror dhe ekonomik të vendit.
Kjo vizitë thekson angazhimin e vazhdueshëm të NISMA Socialdemokrate për të qenë pranë grave dhe qytetarëve për të punuar drejt një të ardhmeje më të mirë për të gjithë.
