Iu hodhën koktejë molotovi, i digjet vetura përfaqësuesit të KQZ-së në Ranillug

Persona të panjohur kanë djegur veturën e një përfaqësuesi të KQZ-së në qytetin e Ranillugut.

Kështu ka bërë të ditur Agron Uka, prokuror në Prokurorinë Themelore të Gjilanit.

Uka ka thënë se në drejtim të veturës së viktimës janë hedhur dy koktejë molotovi, përderisa një ka mbetur i pashpërthyer.

“Në bazë të informacioneve që i kem dy koktejë molotovi janë hudh ndaj një përfaqësuesi të KQZ-së dhe atij ia kanë djeg veturën ndërsa një ka mbet e pashpërthyer. Të dyshuarit kanë ikur kurse policia është në vend të ngjarjes”, ka thënë Uka për Paparacin.

Ai ka shtuar se është duke shkuar në vendin e ngjarjes.