Italia i ka ndarë pikët me Belgjikën pas një drame të vërtetë në Stadio Olimpico.
Të parët që kaluan në epërsi ishin italianët të cilët shënuan qysh në minutën e parë me Cambiason, teksa golin e dytë e shënuan në të 24-tën me Reteguin.
Por, punë iu prishi Pellegrini, i cili u ndëshkua direkt me të kuq në të 38-tën, teksa një minutë më vonë De Cuyper, ngushtoi shifrat në 2-1, ndërsa krejt çka bënë belgët ishte goli i barazimit, i shënuar nga Trossard në të 61-tën.
Ndeshje tjetër interesante u zhvillua në Bozisk Arena, ku Franca e ka mposhtur me rezultat të thellë Izraelin, 1-4.
Camavinga shënoi në minutën e 7-të për Francën, teksa në të 24-tën Gandelman shënoi golin e barazimit, por që Franca shënoi sërish me Nkunku në të 28-tën.
Francezët shënuan edhe dy herë në fund për dy minuta me anë të Guendouzit në minutën e 87-të dhe Barcolas në të 89-ën.
