Është ngritur aktakuzë nga Prokuroria Speciale e Kosovës ndaj 45 personave për rastin e sulmit në Banjskë më 24 shtator të vitit të kaluar, raporton Gazeta Demos.
Kryeprokurori i Porkurorisë Speciale, Blerim Isufaj ka thënë se kjo aktakuzë është punuar në mënyrën më të mirë të mundshme.
‘’Aktakuza është punuar mirë është punuar në mënyrë profesionale, po shpresoj që e kemi bërë punën më të mirë që kemi mundur dhe kemi ditë’’, ka thënë Isufaj.
Tutje ai ka thënë se Prokuroria Speciale është institucion u pavarur dhe nuk merret me paragjykimet e të tjerëve.
‘’Porkuroria Speciale nuk merret fare me përceptime dhe paragjykime të askujt, ne nuk komentojmë deklaratat e askujt, ne jemi institucion i pavarur me kompetencë dhe përgjegjësi ndaj për ndjekjen e personave që kryejnë vepra penale’’, ka thënë tutje ai
