- Advertisement -
Anëtarja e Partisë Demokratike të Kosovës dhe kandidatja për deputete nga kjo parti, Besa Ismaili, ka thënë se Kosova kurrë nuk ka qenë në gjendje më të rëndë që nga pas lufta.
Ajo ka thënë se edhe slogani i kësaj partie “Kosova mundet më mirë” është thirrje për mobilizim për ta përmbysur këtë të keqe.
“Kur konstatojmë në situatë të rënduar, më të rënduar që ka qenë Kosova nga paslufta, ajo çfarë duhet t’u themi qytetarëve se nuk është fundi botës, por kjo nënkupton një mobilizim qytetar për gjithë republikën tonë që ta përmbysim një situatë të keqe dhe ta transformojë atë në diçka më të mirë”, ka thënë Ismaili në emisionin “Këndi i Debatit” në Tëvë1.
Ajo ka thënë se situatën e keqe të Kosovës e kanë vërtetuar dhe raportet ndërkombëtare.
