Ismaili për Hamzën: Lider i veçantë, me integritet dhe të dëshmuar në kohë dhe pozicione të ndryshme

Nënkryetari i PDK-së, Uran Ismaili, ka reaguar pas zgjedhjes së Bedri Hamzës si kryetar i ri i Partisë Demokratike të Kosovës, duke e vlerësuar këtë vendim si hap që i hap rrugë një faze të re politike për partinë.

Ismaili tha se Hamza përfaqëson një lidership të veçantë, të provuar në shumë procese dhe poste përgjatë viteve, duke e cilësuar si figurë me integritet të palëkundur.

Ai nuk la pa përmendur edhe kryetarin në largim, Memli Krasniqin, të cilit i atribuoi udhëheqje me dinjitet dhe model personal në sfidat e deritanishme të partisë.