- Advertisement -
I ftuar në “Live From Tirana” me Ronaldo Sharkën ka qenë Anton Prendi, menaxher artistësh. Ai ka folur më shumë për rrugëtimin e Erik Lloshit në shtëpinë e “Big Brother VIP Albania 5” dhe jo vetëm. Si i ka parë Antoni situatat dhe debatet e fundit në shtëpi?
Pjesë nga intervista:
Ti po ashtu ke qenë dhe menaxher i Shpat Kasapit, sa e donte ai këtë eksperiencë në “Big Brother VIP”?
Kemi qenë bashkë kur Shpati ka firmosur. Shpati donte, edhe unë kam insistuar që të hynte në “Big Brother”. Edhe atij iu mbush mendja për të firmosur. Më vjen shumë keq, ka qenë një djalë shumë i mirë. Patëm punuar shumë fort, sidomos vitin e kaluar, bëmë rreth 10 videoklipe dhe ishte përgatitur që të hynte.
Kemi qenë bashkë ditën e fundit me Erikun dhe Shpatin. Jemi takuar, kemi pirë, kemi bërë muhabet, ishte dhe me një shok tjetër. I qeshur si gjithmonë… Jam pa fjalë, akoma mendoj që nuk është e vërtetë.
