- Advertisement -
Ish-zyrtari i Lëvizjes Vetëvendosje, Selatin Retkoceri, ka deklaruar se Albin Kurti nuk do të formojë qeverinë, edhe pse ka mundësi për ta bërë këtë.
Sipas tij, Kurti nuk dëshiron të marrë përsipër “pataten e nxehtë” të krijuar nga vetja, pasi përpara ka sfida që nuk mund t’i përmbushë.
“Po të donte, ai e ka Fatmir Limajn, por nuk e pranon këtë opsion, sepse nuk e dëshiron “pataten e nxehtë”. Ai i kupton mirë ndryshimet gjeostrategjike dhe nuk është i gatshëm t’i afrohet as PDK-së e as LDK-së”, tha Retkoceri, në emisionin “Ora Shtatë” në Klan Kosova.
