Ish ndihmësi mbretëror, Jason Knauf, ka vendosur të flasë publikisht për pretendimet e tij se Meghan Markle ka abuzuar me stafin e ri të pallatit.
Ai theksoi se nuk pendohet për pretendimet e tij dhe ka punuar për Princin William dhe Kate Middleton nga viti 2015 deri në vitin 2021.
Disa muaj pasi u bashkua me Kate dhe William në udhëtimin e tyre të parë pas dasmës, Knauf dërgoi një e-mail të brendshëm duke shprehur shqetësime për trajtimin e Meghan ndaj punonjësve të Pallatit Kensington.
Markle ka mohuar akuzat për abuzim, duke pretenduar se ato janë pjesë e një fushate shpifjesh.
Knauf tha në një email të botuar në The Times në vitin 2021: “Jam i shqetësuar që Dukesha ka arritur të dëbojë dy asistentë personalë përmes abuzimit vitin e kaluar. Kemi pasur raportim pas raportimi nga individë që kanë qenë dëshmitarë të sjelljeve të papranueshme”.
Ai gjithashtu zbuloi nëse ishte sfiduese për të që të futej në qendër të vëmendjes së publikut pasi u publikua e-maili i tij.
“Ju nuk mund të zgjidhni vetëm momentet argëtuese në çdo punë, kjo vlen për princin dhe princeshën, si dhe për të gjithë ata që punojnë për ta. Unë me të vërtetë nuk do të ndryshoja asgjë”, tha Knauf.
Knauf theksoi se ende i uron Meghan dhe William gjithë të mirat me familjen e tyre.
Për të kujtuar, Markle së fundmi ka treguar se ka lansuar markën e saj “As Ever”, dhe se emisioni i saj do të nisë së shpejti.
