- Advertisement -
Artan Behrami, ish-këshilltar i ish-presidentit Hashim Thaçi, ka reaguar ndaj ngritjes së çmimeve pas reduktimeve të energjisë elektrike në Kosovë.
Përmes një postimi në Facebook, Behrami ka thënë se tashmë janë shtrenjtuar edhe çmimet e qirinjve.
“Një qiri, disa ditë më parë ka kushtuar 0.35 cent. Pasi filluan reduktimet e paraprogramuara të Qeverisë Kurti, një qiri kushton 1.35 euro! Urime!”, ka shkruar Behrami.
Kujtojmë se Qeveria Kurti është përballur edhe me reagime nga opozita për shkak të rikthimit të reduktimeve të energjisë elektrike si pasojë e krizës energjetike.
Sipas opozitës, Qeveria është dashur të jetë e parapërgatitur për një situatë të tillë.
