Ian Bancroft, analist dhe ish-diplomat, ka shkruar një opinion për medien “Balkan Insight”, ku ka analizuar tensionet e ngritura në veri të Kosovës.
Sipas Bancrofit, që shërbeu edhe në Kosovë, hapat e njëanshëm në veri do të shkaktojnë vetëm destabilizim.
“Hapat e njëanshëm në veri të Kosovës do të shkaktojnë vetëm destabilizim të mëtejshëm. Komuniteti ndërkombëtar duhet të dëgjojë ankesat e serbëve të zakonshëm të Kosovës dhe të shpjegojë dividentët e normalizimit për të dyja palët.” – shkruan ai.
Tutje, ai ka thënë se ka një zemërim dhe zhgënjim në mesin e komunitetit serb në veri të Kosovës.
“Zemërimi dhe zhgënjimi në mesin e komunitetit serb në veri të Kosovës është akumuluar tash e 18 muaj. Burimet e pakënaqësisë janë të shumta dhe të ndryshme, për sa i përket përmbajtjes dhe mënyrës së veprimeve të Prishtinës, veçanërisht pas ardhjes në pushtet të Albin Kurtit dhe partisë së tij Vetëvendosje.
Në përgjithësi, ekziston një ndjenjë se Prishtina ka dështuar të obligimet, duke refuzuar të themelojë Asociacionin/Bashkësinë e Komunave me shumicë Serbe, një nga elementët kyç të Marrëveshjes tashmë dhjetëvjeçare të Brukselit. Për serbët e Kosovës, Asociacioni është një mekanizëm jetik përmes të cilit mund të avancohen të drejtat e tyre në komunitet.” – shkruan tutje ai.
