- Advertisement -
Ish-ambasadori i Kosovës, Beqe Cufaj, ka shprehur mirënjohje për ambasadorin amerikan në Serbi, Christopher Hill, pas dëshmisë së tij në Hagë këtë javë.
“Respekt i madh për Ambasadorin amerikan Christopher Hill. Kam pasur nderin ta njoh personalisht, një diplomat i vërtetë me dinjitet dhe ndershmëri,” ka shkruar Cufaj.
Ai ka theksuar se dëshmia e Hill-it në Hagë tregoi qartë se lufta çlirimtare e Kosovës “nuk ishte për pushtet, por për liri dhe dinjitet njerëzor”.
Në fund, Cufaj ka falënderuar ambasadorin Hill dhe miqtë amerikanë “që gjithmonë kanë qëndruar në anën e së vërtetës dhe popullit të Kosovës”.
