Isak Neziri, kandidati për deputet nga Partia Demokratike e Kosovës (PDK), ka vizituar zyrën e Kryetarit të Ferizajt, Agim Aliu, ku ka theksuar se udhëheqja vizionare e Aliut është një model i suksesshëm për të gjithë Kosovën. Sipas Nezirit, me përkushtimin dhe strategjitë e tij, Kryetari Aliu ka arritur të transformojë qytetin e Ferizajt dhe të ngritë standarde të larta në qeverisje.
Neziri shprehu krenarinë që është pjesë e PDK-së, një parti që është e angazhuar për zhvillimin dhe punët e mëdha të Kosovës. Ai e falënderoi Kryetarin Aliu për mikpritjen dhe theksoi se diskutuan për mundësitë e forcimit të lidhjeve mes bizneseve ferizajase dhe atyre të mërgatës pas zgjedhjeve të 9 shkurtit.
“Ne kemi shumë për të mësuar nga kryetari Aliu”, tha Neziri, duke theksuar rëndësinë e bashkëpunimit të ngushtë për zhvillimin e mëtejshëm të Kosovës.
