Skuadra angleze Ipswich është në bisedime me Chelsean për një huazim të Armando Brojës.
Siç raporton “Sky Sports”, diskutimet janë në fazë të hershme dhe Chelsea preferon shitjen e sulmuesit.
Broja ka ngjallur interesim nga një sërë klubesh, përfshirë Evertonin, Southamptonin, Stuttgartin dhe së paku një klubi nga Italia.
I diplomuari në akademinë e Chelseat ka qenë në mesin e disa lojtarëve që janë stërvitur ndaras nga ekipi i parë pasi i është thënë se nuk është pjesë e planeve të Enzo Marescas.
Pjesën e dytë të sezonit të kaluar, Broja e kaloi si i huazuar te Fulhami.
Ipswich janë në proces të përforcimit me disa lojtarë para nisjes së sezonit të parë si të rikthyer në Premier League.
Kalvin Phillips dje i bëri testet mjekësore dhe u fotografua në fushën stërvitore të klubit nga Sky Sports News.
