Investimi i Komunës së Prishtinës, largojnë “papuçen” nga puseta ku ra një vajzë në të

Puseta e hapur në qendër të Prishtinë, ku një vajzë ka rënë në të, është rregulluar nga Komuna e Prishtinës, raporton Ekonomia Online.

Fillimisht, ishte përdorur një “papuçe” për ta sanuar këtë rrezik për qytetarët që kalojnë nëpër këtë pjesë të kryeqytetit, teksa më vonë u vendos mbajtësja metalike e cila është betonuar.

Gjatë ditës se djeshme, një vajzë ra në një pusetë të hapur në qendër të Prishtinës – saktësisht tek “New Born”.

Menjëherë pas raportimeve mediale, Komuna e Prishtinës u vu në lëvizje. Thanë se po shkojnë ta rregullojnë këtë problem.