Ekipi i Cristian Chivut dominoi ndeshjen nga fillimi deri në fund, duke treguar pjekuri, kontroll të lojës dhe efikasitet para portës.
Zikaltrit krijuan raste të shumta gjatë pjesës së parë, me Lautaro Martínez që ishte protagonist i pandalshëm.
Argjentinasi rrezikoi disa herë portën kundërshtare, përfshirë një goditje të fuqishme në minutën e 40-të dhe një tentim të afërt me kokë në minutën e 27-të. Edhe Dimarco provoi me një goditje dënimi, por Scuffet reagoi shkëlqyeshëm.
Golat erdhën në fraksionin e dytë. Fillimisht, në minutën e 69-të, Lautaro Martínez mori një pasim të artë brenda zonës dhe gjuajti fuqishëm në këndin e sipërm, duke zhbllokuar sfidën me një gol klasi.
Kapiteni i Interit nuk u ndal me kaq – në minutën e 83-të ai realizoi edhe golin e dytë, këtë herë me një goditje precize në këndin e poshtëm pas një kombinimi të bukur me Barellën.
Pisa, megjithëse luftoi, pati pak mundësi reale. Meistrer dhe Piccinini kishin raste të mira, por mungoi saktësia. Në fund, vendasit u detyruan t’i mbyllin minutat e fundit me rezerva dhe të pranonin epërsinë e qartë të Interit.
Interi me këtë fitore ngjitet në vendin e tretë të renditjes me 27 pikë. /Telegrafi/
