Inspektorati i kryeqytetit me aksion për largimin e transportuesve ilegalë të udhëtarëve

Inspektorati i Prishtinës ka kryer të premten mbrëma aksione në disa pika në kryeqytet.

Këto aksione u bënë me qëllim të largimit të transportuesve ilegal të udhëtarëve.

Kështu bëri të ditur inspektorati përmes një postimi në Facebook.

Ndërkaq pikat ku ata kanë dalë për kontroll janë në Lakrishtë, tek Katedralja si dhe Stacioni i Autobusëve.

“Pika kontrolli për t’i larguar transportuesit ilegal të udhëtarëve në Lakrishtë, tek Katedralja dhe Stacioni i Autobusëve!”, shkroi inspektorati.