Legjenda e Barcelonës, Andres Iniesta, ka mohuar fuqishëm se ka qenë ndonjëherë tifoz i Real Madridit, pasi një gjë e tillë u raportua pas pensionimit të spanjollit.
Iniesta u tërhoq nga futbolli në fillim të kësaj jave, duke ulur perden e një karriere të mbushur me trofe që e pa atë të bëhej një legjendë e Barcelonës. Që atëherë është pohuar nga gazetari spanjoll Tomas Roncero se Iniesta mund të ishte bashkuar me Real Madridin në vitin 2006 dhe se diskutimet ishin zhvilluar për një marrëveshje parakontrate, ndërsa ai luante në Camp Nou.
Roncero pohoi gjithashtu se Iniesta u rrit si një tifoz i rivalëve të përjetshëm të Barcelonës, dhe kjo tani është qortuar ashpër nga mesfushori legjendar. Ai ka pohuar se gazetari fare thjesht e ka gabim.
Iniesta tha për AS: “Gjërat që janë thënë, nuk janë të vërteta. Shembull si ajo që kam nënshkruar parakontrata me Real Madridin. Lëreni të flasin gjëra të tilla.”
I pyetur nëse ishte tifoz i klubit mbretëror ndonjëherë, ai u përgjigj: “Jo, definitivisht jo”.
Mbetet për t’u parë nëse Iniesta planifikon të kalojë në trajner tani që ka dalë në pension, por ai do të shpresojë t’i ketë dhënë fund çdo spekulimi se dikur kishte ëndërruar të vishte fanellën e bardhë, në vend të kuqebluve.
