“Bazuar në informatat dhe dokumentet historike, ky qëndrim i Manastirit të Deçanit bie ndesh me realitetin historik. Është një fushatë shpifjesh, është një fushatë anti-shqiptare e kreut të Manastirit të Deçanit, dhe kjo frymë e cila po nxitet nga Manastiri i Deçanit, nuk është një frymë që duhet të dal nga një klerik fetar. Ne tani jemi në shekullin e 21-të dhe duhet të punojmë për paqe të përgjithshme”, tha Imeraj në Info Magazine të Klan Kosova.
Imeraj tha se UÇK asnjëherë nuk e ka sulmuar Manastirin dhe se e tëra kjo është një propagandë për t’u viktimizuar.
“Është fakt se Ushtria Çlirimtare e Kosovës asnjëherë nuk e ka sulmuar Manastirin e Deçanit, as nuk ka pasur tentim për sulm. Pra kjo është një gënjeshtër e kreut të Manastirit. Ky etiketim nacionalist nuk qëndron, pasi edhe gjatë kohës së luftës, shqiptarët nuk e kanë sulmuar Manastirin dhe në këtë e shohim si propagandë për t’u viktimizuar dhe konsiderojmë se edhe faktori ndërkombëtar duhet të mësohet me këtë politikën anti-shqiptare dhe propaganduese të kreut të Manastirit dhe askush nuk duhet të bie pre e kësaj politike“, u shpreh ai.
